Алматы. 23 сәуір. 7kun.kz – Бүгін Алматы әуежайында FlyArystan алғашқы Қазақстандық лоукостері журналистерге өзінің алғашқы Airbus A320 лайнерін көрсетті. Ол екі күн бұрын S7 Engineering ресейлік компаниясының зауытынан келді.

Алғашқы айларда FlyArystan паркі осындай төрт Airbus A320 ұшақтарынан тұратын болады. Барлық лайнерлердің салон конфигурациясы тек 180 орынға арналған. Лайнерлерде жаңа былғары қаптамасы бар Recaro 3530 Slim жаңа креслолары орнатылған. Бұл жерде орындықтардың қалталары креслолардың жоғарғы бөлігіне ауыстырылған, бұл аяққа арналған кеңістікті арттыруға мүмкіндік берді. Креслолар арасындағы қадам - 82 см.

«Айырмашылық тек салонда. Ол бизнес-класс орындықтарынсыз эконом-класс жүйесі бойынша жабдықталған. Барлығы 180 орындық. Қалғандары Эйр Астананың ұшақтары сияқты. Ұшқыштың кабиналарының да еш айырмашылығы жоқ, сол қауіпсіздік процедуралары, ұшқыштардың жаттығулары қарастырылған», – деді FlyArystan ұшу өндірісі жөніндегі директоры Бердіхан Ағмуров.

Бұған дейін сәуір айында тасымалдаушы Алматыдан Нұрсұлтан, Тараз, Қарағанды және Оралға билет сатуды іске қосты. Осы бағыттар бойынша тасымалдаушы 2019 жылдың 1-2 мамырында ұша бастайды. Ал, 30 мамырда тасымалдаушы өзінің маршруттық желісін Алматыдан Шымкент пен Павлодарға рейстермен кеңейтеді.