Алматы. 2 тамыз. 7kun.kz -  Halyk Bank баспасөз қызметі кепілдіксіз 3 миллион теңге несие рәсімі мақұлдалғаны туралы SMS-хат алған тұтынушылардың түсініспеушілігіне жауап берді.

Атаған SMS-хаттар тұтынушыларға  шынымен де Halyk Bank телефонынан жіберілген.

"Halyk Bank  жақында банк тұтынушыларына 3 миллион теңгеге дейін кепілдіксіз несие алу ұсынысымен  SMS-хат жолдады.  Halyk Bank атынан хат келген номер банкке тиесілі екенін және тұтынушылармен байланыста алғаш рет қолданылғанын хабарлағымыз келеді. Аталған нөмірден хабарлама алғаш рет жіберілгендіктен, тұтынушылар тарапынан түсініспеушілік тудырды", - деп хабарлайды банк.