ҚР Ұлттық экономика министрлігінің қолдауымен, «Атамекен» Ұлттық кәсіпкерлер палатасымен біріге отырып Қазақстанның сауда кәсіпорындары қауымдастығы еліміздің сауда кәсіпорындарының арасында жыл сайынғы республикалық байқауын жариялады

«Сауда үздігі-2015» байқауының мақсаты кәсіпкерлердің кәсіби қызметіне жоғарғы баға берумен қатар Қазақстанның сауда кәсіпорындарының үздік басшыларын анықтау, сервис деңгейін және қызмет көрсету сапасын көтеру, еліміздегі сауда саласына заманауи формаларды енгізу болып табылады. Шара қыркүйек айының 23-24 жұлдызында «Еуропа-Азия ынтымақтастығы шексіз шекара» атты Қазақстан-Ресей өндірістік көрмесіне орай Ақтөбе қаласында өткізіледі. Байқау туралы ақпарат Қазақстанның сауда кәсіпорындары қаумдастығының www.opensauda.kz сайтында жарияланған, оған қатысуға өтінішті осы жерде беруге болады. Байқауға өтінімдер 2015 жылдың 15 қыркүйегіне дейін қабылданады. ҚазАқпарат