Нұрсұлтан Назарбаев өз ғарышкерін ғарышқа жіберген ел қандай пайдаға кенелетіндігі туралы айтып өтті. Бұл жөнінде Forbes.kz хабарлайды.

«Өз ғарышкерін ғарышқа аттандырғысы келетін елдердің бірегейі болмасақ та, біріміз деп айта аламыз. Және біреуін ғана емес, үшеуін жібердік осы уақытқа дейін. Біздің Байқоңыр ғарыш айлағында Ресей Ресей Федерациясымен серіктестігіміздің арқасында осы дәрежеге жетіп отырмыз. Ғарышқа кеткен шығынның бірден орны толмайды. Күллі әлем ғарышты игеруге тырысып бағады. Барлық мәселе бүгінгі шығында ғана болмауы керек», - дейді Елбасы Халықаралық ғарыш станциясынан оралған "Союз" ғарыш кемесі экипажымен болған кездесу барысында. Президенттің айтуынша, ғарыш шығыны ғылыми-техникалық жетістіктерге жетелейді. «Ғарышта зерттелетінді жерде жасау мүмкін емес. Зерттеу нәтижелерін басшылыққа ала отырып, ғалымдар жаңалық ашады. Сол себепті, мемлекеттің ғарышқа шығарған қаражаты жемісін береді», - дейді мемлекет басшысы.