«Біз үшін Италия сауда-экономикалық даму бағыты жөнінен маңызды елдердің бірі сналады. Қазақстандық тауар айналымының 11,6%-ы осы елге тиесілі. Өткен жылдың қорытындысы бойынша, қазақстандық экспорттың төмендеуіне байланысты екі ел арасындағы тауар айналымы 45%-ға азайды. Бұған мұнай бағасының төмендеуі себеп болды», - дейді Сұлтанов. Ал Италиядан келетін импорт болса, өткен жылы 13,2%-ға өсіп, 1,2 млрд долларды құрады. Соңғы 11 жылда құйылған инвестиция көлемі 5,7 млрд долларды құрап отыр. «Қазақстаннан Италияға экспортталатын өнімдердің 97%-ы мұнай. Қазақстаннан жіберілетін өнімдердің ассортиментін көбейткіміз келеді. Яғни, Италия кәсіпорындары дайын өнім шығаруда қазақстандық шикізаттарды қолданса дейміз. Мысалы, аккумуляторлар, металдар,маталар, тігін бұйымдары», -дейді палата басшысы.