Қазақстан. 28 шілде. 7kun.kz – Қыркүйектен бастап міндетті медициналық сақтандыру жарнасын бір жыл бұрын төлеуге болады, деп хабарлайды 7kun.kz.

Міндетті әлеуметтік медициналық сақтандыру жарналарын төлеудің баламалы тетігін енгізу бойынша өзгерістер 2022 жылғы 4 шілдедегі заңмен қабылданды және 2022 жылғы қыркүйекте күшіне енеді.

Әлеуметтік медициналық сақтандыру қорының мәліметі бойынша, 3,1 миллионға жуық адам әлі де сақтандырылмаған. Оның 3 миллионы – халықтың экономикалық белсенді бөлігі, яғни еңбекке қабілетті азаматтар.

Сонымен қатар, сақтанбағандардың 69%-ы соңғы 12 айда бірде-бір рет сыйлықақы төлемеген.