Алматы. 26 шілде. 7kun.kz – 2019 жылдың бірінші жартыжылдығында су саласына салынған инвестициялар 86,7 млрд теңгеге жетті.

Статистика комитетінің мәліметінше, су өндіруге, жинауға, өңдеуге және таратуға көп қаражат Шығыс Қазақстан және Түркістан облыстарында, сондай-ақ Алматы қаласында бөлінген. Осы үш аймақта қаржыландыру 10 миллиард теңгеден асты. Сонымен бірге Шығыс Қазақстанда қаржыландырудың ең көп өсуі болды.

Тек Атырау облысында ғана «су» инвестициялары 1 млрд теңгеден аз болды. Сонымен қатар, Шымкентте, Нұр-Сұлтанда және Солтүстік Қазақстан облысында инвестиция 1 млрд теңгеден сәл асып түсті.