Қазақстанда америкалық және еуропалық компаниялар қандай салаларда жұмыс істейді?

Ресейдің Украинадағы арнайы әскери операциясы аясында шетелдік компаниялар Ресей нарығынан ашық түрде кетіп жатыр. Әсіресе олардың ішінде АҚШ, ЕО және Ұлыбритания компанияларының кетуі халыққа ауыр әсер етуде.

Қазақстанда ЕО-ға мүше мемлекеттердің, АҚШ пен Ұлыбританияның шетелдік қатысуы бар шетелдік заңды тұлғалардың филиалдары мен еншілес ұйымдарының саны ақпанда 3,6 мыңға жуық немесе елдегі барлық шетелдік компаниялардың 14,1%-ын құрады. Ал ресейлік компаниялардың үлесі барлық жұмыс істейтін шетелдік заңды тұлғалардың 31,3%-ын құрады.

Атап айтқанда, Еуропалық Одақ (ЕО) елдерінің үлесі бұл секторда 2,8 мың компания немесе 11%, АҚШ – 418, Ұлыбритания – 369. ЕО елдерінің ішінде Қазақстанда ең көп жұмыс істейтін компаниялар – Германиядан (636), Нидерландыдан (529) және Кипрден (252).

ЕО, АҚШ және Ұлыбританияның қатысуымен жұмыс істеп тұрған 3,6 мың компанияның 3,2 мың шағын, 180 орта, 173 ірі кәсіпорындарға тиесілі.

Бір қызығы, егер ЕО, АҚШ және Ұлыбритания қатысатын шағын компаниялардың үлесі Қазақстанда жұмыс істейтін барлық шағын шетелдік кәсіпорындардың тек 13,1%-ын құраса, онда орта кәсіпкерліктің үлесіне кәсіпорындардың жартысы, ал ірі компаниялардың үлесіне үштен екісі (65,8%) тиесілі болды.

Яғни, іс жүзінде Қазақстандағы әрбір екінші орта және үш ірі шетелдік компанияның екеуі ЕО, АҚШ немесе Ұлыбритания қатысатын кәсіпорындар.

ЕО-ға мүше мемлекеттердің және АҚШ пен Ұлыбританияның қатысуы бар кәсіпорындардың ең көп саны Қазақстанда сауда саласында жұмыс істейді: 949 компания. Одан кейінгі орында кәсіптік, ғылыми және техникалық қызмет (481), сондай-ақ қаржылық және сақтандыру қызметі (317) тұр.

Сонымен қатар, кәсіпорындардың едәуір бөлігі өңдеу өнеркәсібінде (220), көлік және қойма шаруашылығында (193), құрылыс (165) саласында жұмыс істейді.