"Атамекен" ұлттық кәсіпкерлер палатасының басқарма төрағасының бұрынғы орынбасары Рахым Ошақбаев Қазақстанның инвестиция және даму бойынша вице-министрі болып тағайындалды.

Баспасөз қызметінің хабарлауынша, ведомство басшысы Әсет Исекешев Р.Ошақбаевты жаңа қызметке тағайындады. Инвестиция және даму министрлігінің бұрынғы вице-министрі Ерлан Сағадиев 2015 жылдың 10 шілдесінде қызметінен кеткен еді. 2012 жылдың ақпанында Рахым Ошақбаев "Атамекен" Одағы" ұлттық экономика палатасының басқарма төрағасының бірінші орынбасары қызметінде болған. 2013 жылдың қазанында ол басқарма төрағасының орынбасары ретінде тағайындалды. Сондай-ақ, ол 2011 жылдың мамырынан бастап "Самұрық-Қазына" мемлекеттік қорының басқарушы директоры лауазымында жұмыс істеді.