Алматы. 9 шілде. 7kun.kz - 2019 жылдың маусым айының басында Nordwind Airlines әуекомпаниясы Самара мен Алматы арасында тұрақты рейстер жасауды жоспарлады. 189 жолаушыға дейін сыйымдылығы бар Boeing 737-800 таңдалып, тіпті билеттердің бағасы белгілі болды. Бірақ белгісіз себептермен ұшу бағдарламасы тоқтатылды.

Айта кетейік, жоғарыда аталған авиакомпания биылғы жылы бірнеше жағымсыз оқиғаға тап болды.

2019 жылдың қаңтар айында Венесуэла оппозициялық депутаты Хосе Герра өзінің Твиттерінде Nordwind компаниясына тиесілі ресейлік ұшақ кем дегенде 20 тонна алтынды елден шығару үшін Қарақасқа ұшып келгенін жазды.

Наурыз айының соңында Росавиация бұрын берілген, әуе компанияға ұшу уақытын қосалқы әуеайлаққа дейін (сынған жағдайда) 60 минуттан артық ұлғайтуға мүмкіндік беретін Nordwind Airlines сертификатындағы арнайы рұқсаттардың күшін жойды.

"Комиссия 2019 жылдың ақпан айында пайдаланушыны жоспардан тыс тексеру нәтижелері бойынша шешім қабылдады, ол ETOPS ережелері бойынша ұшуға жіберу үшін авиакомпанияның ұшқыштарын даярлау бағдарламасында оқудан өту кезінде сәйкессіздікті, техникалық қызмет көрсетуден өтпеген әуе кемелерінде ұшуды орындау жағдайларын, сондай-ақ авиакомпаниядағы техникалық персоналдың қажетті санының болмауын анықтады", - делінген реттеуіштің ресми хабарламасында.

Ресейлік "Коммерсант" хабарлағандай, Росавиация Nordwind-Boeing 777 және Airbus A330 екі ұшағын пайдалануды тоқтатты. Себебі - ұшақтарды қайталама нарықта сатып алу және оларды Бермуд аралдарында тіркеу.

Қазақстанға ұшу бағдарламасының күшін жоюға не себеп болды?

"Осы бағыт бойынша ұшу бағдарламасы алынып тасталды. Қазіргі уақытта осы бағыт бойынша рейстерді қайта жаңарту туралы ақпарат жоқ", - деді әуекомпанияда.

Алматы халықаралық әуежайының баспасөз қызметінде Nordwind Алматыда ұшуды жоспарлағанын, бірақ кері шешім қабылдып, әуе компанияның бас тарту себептерін түсіндірмегенін мәлімдеді.

Nordwind Airlines - ресейлік әуе компания, Ресейде және бұрынғы КСРО, Солтүстік Африка, Таяу Шығыс, Азия, Еуропа, Мексика және Кариб бассейні мемлекеттерінде тұрақты және чартерлік ұшуларды жүзеге асырады. Әуекомпанияның флотында 30 ұшақ бар, оның ішінде: кең фюзеляжды Airbus A330-200 және Boeing 777-300. Негізгі әуежай – Мәскеудегі Шереметьево.