Ресейдің Резерв қоры 2015-2016 жылдары 10 есе азайып, одан кейін қайта толыға бастайды деп болжайды РФ Қаржы министрлігі.

Ведомствоның ұсынған мәліметтері бойынша, 2015 жылы Резерв қорынан 3,67 трлн рубль жұмсалып, жалпы көлемі 5,347 трлн рубльден (бұған 1 қазаннан бастап қорға құйылатын 402 млрд көлеміндегі қосымша мұнай-газ табысы да кіреді) 1,677 трлн рубльге дейін азайып кетеді.

2016 жылы Резерв қорынан 1,158 трлн рубль жұмсалып, ол 519,3 млрд рубльге дейін азаяды. 2017 жылы қор қайтадан 111 млрд рубльге толығып, 2018 жылдың басында 630,3 млрд рубльды құрайтын болады.

Аталған болжамға 2015 жылы $50, 2016 жылы $65, ал 2017-2018 жж. $70 болады деп күтілетін мұнай баррелінің жылдық орташа құны негіз болып отыр. -2018 года