Сервис ағылшын, француз, неміс, итальян, қытай және испан тілінде қызметін ұсына алады. Ал жазбаша мәтіндік хабарламалар 50-ден аса тілге аударылады. Skype Translator сөзді тану, жедел аудару және машиналық оқу технологияларын пайдаланады. Яғни сервис көп пайдаланылса, белсенді жұмыс істейді. Қызмет қосымшаны жүктей алатын Windows 7, Windows 8 және Windows 10 қолданушылары үшін қолжетімді. Қайта жаңарту 1-2 апта ішінде болады. Пайдаланушылар бағдарламадан жер шарының арнайы иконын көре алады. Ал Translator-дың басқа континенттерде қашан пайда болатыны әзірге белгісіз. Translator-ды тексеру 2014 жылы басталған. Ол кезде аударма тек ағылшын және испан тілінде жасалатын. Компания Мексика мен АҚШ-тағы бір бірінің тілін түсінбейтін екі оқушының Skype-тағы ойынын видеоролик ретінде  көрсетіп, қызметтің қалай жұмыс істейтінін жариялады. Құрастырушылардың сөзіне қарағанда, Skype-тың ұзақ мерзімді мақсаты — сөз бен хабарламаның синхронды аудармасын мүмкіндігі мол тілдер арасында қамтамасыз ету.