Алматы. 8 қараша. 7kun.kz — Қазақстан қор биржасында шетел валюталарына қатысты таңғы сауда сессиясы аяқталды. Нәтижесінде 8 қарашадағы доллардың орташа бағамы 333,86 теңге болды. Бұл туралы биржаның (KASE) ресми сайтында хабарланды.

KASE ақпаратына сәйкес, АҚШ долларына қатысты сауданың төменгі курсы 333,45 теңгені құрады. Жоғарғы курс – 334, сауданың аяқталуы кезінде 333,90 теңге болды. Таңғы сессияда сауда көлемі 66 млн 500 мың доллар болды. Валюта операциясына байланысты келісім саны — 212. Ақша айырбастау орындарында 8 қарашадағы доллардың жоғары курсы (Алматы уақытымен – 11.05) Алматыда 336 теңгені құраған.