Бұл туралы 2017 жылы өтетін Қысқы университет ойындарына дайындық кезінде белгілі болды. ҚР Студенттік спорт федерациясының президенті Қайрат Закирьянов "Караван" газетіне берген сұхбатында Қазақстанның медальдан үміт ете алатын спорт түрі - шаңғы фристайлын өткізетін де жер жоқ деп мәлімдеді.

"Табаған" шаңғы базасы банкрот. Оны қалыпқа келтіру үшін 2,8 миллиард теңге керек" - дейді Қайрат Закирьянов. "Табаған" Алматы шетіндегі Бесқайнар (бұрынғы Горный садовод) ауылының маңында орналасқан. Ол шамамен он жыл бұрын салынған, жаңа курорт ретінде саналады. 2011 жылы Қысқы Азия ойындары өткен болатын . "Табағанның" жабылатыны жайлы қауесет 2013 жылдың соңында тараған. База батпақтанып кетті, сервис нашарлады, тәжірибелі қызметкерлер " Лесная сказка" және басқа да жерлерге жұмысқа кетті делінген еді., ол кезде. Кешеннің tabagan.kz сайты да 2013 жылдың көктемінен бері жаңартылмаған.  Алайда, әупріммен күн кешсе де "Табаған" кешені соңғы 2 жыл бойы жұмысын тоқтатқан жоқ. Биылғы қысқы маусымда  кешеннің қызмет ұсынатын-ұсынбайтыны әзірге белгісіз.