Украина-Ресей шекарасында Қазақстан мен Қырғызстанға баруы тиіс 72 теміржол вагоны тоқтап тұр. Бұл туралы Украинаның экономикалық даму және сауда министрінің баспасөз қызметі хабарлайды. 

"2016 жылдың 13 шілдесінде Украинаның Ресей Федерациясымен шекарасында Қазақстан мен Қырғызстанға бара жатқан 72 теміржол вагоны тоқтатылды. Олардың 13-і өзгертілген маршрут бойынша қайтарылды, өзге 59-ы ресейлік-украиналық шекарада қалды", - деп хабарлады ведомствадан. Сондай-ақ ол шекарада Қазақстанға келуі тиіс 55 вагонның тұрғаны да хабарланды. Еске салайық, Ресей президенті Украина аумағынан Қазақстанға баратын тауарлардың арнайы ретпен өткізілуін анықтайтын заңға қол қойды. Жаңа құжат бойынша, санкциялық азық-түліктер тізіміне енгізілген және кедендік салығы 0 пайыздан жоғары тауарлардың өткізілуіне тыйым салынады. "ҚазАТО" басшысы Теодор Капланның атап өтуінше, маршрурттың мәжбүрлі түрде өзгертілуі (жүк Украинада Ресей арқылы емес Каспий мен Қара теңіз арқылы келеді) тауар бағасының қымбаттауына әкеледі.