Универсиада жеңімпаздары

Медиа

Универсиада жеңімпаздары

30 января, 2017

Қысқы Универсиаданың бірінші күні аяқталды. Әзірге 9 медальмен Ресей құрамасы бірінші орында. Екінші орында Қытай (3), үштікті Польша (2) қортындылайды. Жалпы командалық есепте Қазақстан құрамасы бесінші орында. Назарларыңызға Универсиаданың алғашқы жеңімпаздарын ұсынамыз.

Алғашқы медальдар комплектісі таушаңғысы спортындағы супергигант дисциплинасында ойнатылды. Әйелдер арасында жеңімпаз - Елена Яковишина, Ресей елінің спортшысы.

Күміс медаль иегері - финляндиялық Неа Лукко.

Қола медаль иегері - жапониялық Аса Андо.

Шаңғыдан 5 шақырымдық "классикалық стильде" 21 елден 64 спортшы қатысты. Алтын медальді 14:08.06 уақытында келген ресейлік Лилия Васильева иеленді.

Анна Нечаевская мәре сызығын екінші болып кесіп, күміс жүлде де ресейліктерге бұйырды.

Үшінші орынды жерлесіміз Анна Шевченко (14:23.08) иеленді. Айта кету керек, бұл - Қазақстанның спорт додасындағы алғашқы жүлдесі.

Осы дисциплинада ерлер арасындағы бас жүлдені италиялық Микеланджело Тентори иеленді. Ол 1:03.03 уақытында келген.

Күміс медаль иегері - Евгения Плясик, Ресей (1:03.06).

Үшінші орындағы қола медаль ресейлік Семен Ефимовтың еншісінде (1:03.77).

Шымбұлақта өткен фристайл (акробатика) сайысының қорытындысы бойынша, бірінші орынды қытайлық Чжи Инин иеленді.

Жерлесіміз Жібек Арапбаева бұл сайыста екінші келіп, күміс жүлдегер атанды.

Қола медаль да қазақстандық Жанбота Алдабергенованың еншісінде.

Сноубордшылардың параллельді гиганттық слалом сайысында польшалық Александра Крол бірінші орын иеленді. Күміс медаль иегері - Аннамари Данча, украиналық спортшы. Қола медаль иегері - Каролина Штокфиш, Польша елінің спортшысы.

Дәл осы дисциплинада ерлар арасында алтын медальді Ресей спортшысы Богдан Богданов иеленді. Екінші орындағы күміс медальмен ресейлік Владислав Шурихин марапатталды. Үшінші орын украиналық спортшы Олександр Белинскийге бұйырды.