Айырбастау бөлімшелері ескіріп кеткен немесе қырылған банкноталарды қабылдамай қалуы мүмкін бе?Осы сынды сұрақтар көп қойылатындықтан, Ұлттық қордың қаржылық қызмет мамандары шетел валюталарының жарамды-жарамсыз болатын тәртібін түсіндірді.

Айналымға жарамды деп мынадай зақымдары бар банкноталар танылады:  1) қырылған немесе ластанған; 2) алынған бөліктері желімделген (аумағы 1-2 шаршы сантиметр); 3) барлық аумағының төрттен бірінен аспайтын жапсырмасы барлары; 4) май не өзге де дақтары бар, мөрлердің іздері бар болса (егер іздері банкноталарды анықтауға кедергі етпесе); 5) диаметрі 0,5 мм-ден аспайтындай тесілген болса; Мынадай зақымдары бар банкноталар жарамсыз деп есептеледі:  1) бірнеше бөлікке жыртылған немесе жабыстырылған; 2) өзінің негізгі түсін өзгерткен немесе түсі кетіп қалған; 3) күйіп қалған; 4) банкнотаның көп бөлігіне бояу, май төгілген болса; 5) химиялық реакциялардың әсеріне ұшыраған; 6) қасақана зақым келтірілген (негізінен, суреттер, адамдардың бейнесі өзгертілген, сызылған болса, қорғаныш жібі алынған болса, үстіне біраз жазу жазылған болса); 7) баспа ақауы анық көрінетін банкноталар (орналасқан су белгісі немесе қорғашық жібінің болмауы, суреттің көмескіленуі); 8) 3 миллиметрден артық өз геометриялық өлшемін өзгерткен, кішірейген немесе үлкейген болса; Айналымға жарамсыз банкноталарды сатып алу немесе ауыстыруды лауазымды банктер жүзеге асырады. Банкнотаның белгіленген құнының 10 пайыздан кем ақысы комиссиялық сыйақы ретінде алынады.