WikiLeaks  сайты «Интервью» фильмінің тұсаукесеріне дайындық кезінде белгісіз хакерлермен Sony корпорациясынан ұрланған мәліметтерді жариялады. Бұл туралы Lenta.ru хабарлайды.

Сайтта 30 мыңнан астам құжаттар мен 170 мың электронды хаттар жарияланған. Баспасөз-баяндамасында жазылғандай, бірінші жарияланған құжаттар өшіріліп, кейінірек оқуға ыңғайлы форматта орналастырылған. "Бұл архив трансұлттық корпорацияның ішкі әрекетінен толыққанды мағлұмат береді. Материалдардың барлығы "геосаяси қақтығыс орталығында" тұр және БАҚ-та жариялануды қажет етеді. Олар қоғамға тиесілі, WikiLeaks барлығының сонда болуын қадағалайды", - деп атап өтті Джулиан Ассанж. Жекелей алғанда, құжаттар компанияның Транс-Тынық мұхитты серіктестік жобасына қатысты реакциясын сипаттайды. Қазір бұл жоба АҚШ Конгрессінің қарауында жатыр. Сондай-ақ құжаттарда Sony-дың АҚШ-тың Демократиялық партиясымен және басқа да америкалық ұйымдармен, саясаткерлермен, билік органдарымен байланысы жазылған. Sony Pictures Entertainment бұл құжаттардың жарық көруін сынға алды. "Sony Pictures-ге жасалған кибер-шабуыл зиянды қылмыстық сипат алады және біз қызметкерлеріміз туралы мәліметтер мен басқа да жеке құпия ақпараттардың WikiLeaks-те болуын айыптаймыз", - дейді компаниядан. Олар Sony-дың және 6 мың қызметкердің қауіпсіздігі, сенімділігі және құпиялылығы үшін күресуді жалғастыратындығын атап өтті. Осыған дейін 2014 жылы Sony Pictures хакерлік шабуылдың құрбаны болған. Бұған  сюжет бойынша КХДР-дің лидері қайтыс болатын "Интервью" фильмі себеп болды деп хабарланды. Тұсаукесерден аз уақыт бұрын Sony Pictures белгісіз хакерлерден сеанс кезінде теракт ұйымдастыратыны туралы қоқан-лоққы алған. Қызметкерлердің жеке хат жазысулары, сценарий және "Интервьюге" қатысты барлық ақпарат түгелімен ұрланды. Кинокомпанияға кибер шабуыл жасауға АҚШ-тың қауіпсіздік қызметі ресми түрде КХДР-ді айыптады.