Алматы. 3 шілде. 7kun.kz - Мамыр айының соңындағы есеп бойынша Қазақстандағы депозит көлемі  17 трлн 707,3 млрд теңгені құрады. Бұл жыл басындағы көлемнің 2,2% азайғанын көрсетеді. Бұл туралы Ұлттық банктің баспасөз қызметі хабарлады.

2016 жылдың ұқсас кезеңімен салыстырғанда депозит көлемі  7,3% немесе 1 трлн 206,3 млрд теңгеге ұлғайған.  Алайда жыл басындағы көрсеткішпен салыстырғанда азайған. «Депозиттер көлемінің бұлайша қысқаруы ұлттық валютаның нығаюына (жыл басынан бері 6,3%) байланысты қайта бағалаумен түсіндіріледі», деп түсіндіреді Ұлттық банк. Ұлттық банк мәліметінше шетелдік валютадағы депозит көлемі қысқаруда. Жыл басынан бері   көлем 13,7%, немесе 1 трлн 358,1 млрд теңгеге азайған. Жеке тұлғалардың валюталық депозиті $2 млрд 348,6 млн немесе  7,9% азайған. Ұлттық валютадағы депозиттер жыл басынан бері  11,8% немесе 969 млрд теңгеге өскен.