Соңғы бес жылда ЭКСПО-ға дайындық үшін 565 млрд теңге жұмсалған

Алматы. 29 маусым. 7kun.kz — Елдің республикалық бюджет туралы заңына сәйкес соңғы 5 жылда ЭКСПО-2017 көрмесін ұйымдастыруға 565,1 млрд немесе $2,1 млрд жұмсалған. Оның ішінде Астана қаласының бюджетінен 1,58 млрд теңге көрмеге бағытталған, деп  жазады ranking.kz.

Бөлінген бюджеттің жартысы 2016 жылы жұмсалған -267,2 млрд теңге. Биыл 77,3 млрд теңге жұмсалған.  Жұмсалған қаражаттың жалпы сомасын ел тұрғындарына шаққанда әрқайсына 66 мың теңгеден келеді.

2016 жылдың мемлекеттің бюджеттің 3% ЭКСПО көрмесіне жұмсалған. Бұл елдің отын-энергетикалық дамуына жұмсалған шығыннан 30 млрд теңгеге, өнеркәсіп пен архитектура, қала құрылысына жұмсалатын шығыннан 3 есе немесе  193 млрд теңгеге артық.

2016 жылы отын-энергетикалық кешен мен табиғатты пайдалануға мемлекеттік бюджеттен 100,4 млрд теңге және өнеркәсіпті дамытуға 46,3 млрд теңге жұмсалған.

Айта кетейік, 2015 жылы Миланда өткен ЭКСПО көрмесіне ел үкіметі $3,6 млрд жұмсаған еді. Ең қымбат көрме 2010 жылы Шанхайда өтті. Қытай бұған $60 млрд бөлген.