Түркістан облысында 100 млн долларға туристік кешен салынады

сыртқы
Фото: tribun.com.ua

Алматы. 31 шілде. 7kun.kz – Түркістан облысында туристік жобаны жүзеге асыру үшін 100 миллион доллардан астам қаражат тарту жоспарлануда.

Облыстық туризм және сыртқы байланыстар басқармасының мәліметінше, олар бірнеше кезеңмен «Қасқасу» тау шаңғысы курортын салғысы келеді. Сонымен, қазіргі уақытта инженерлік желілердің жобалық-сметалық құжаттарын әзірлеуге 26 миллион теңгеге, тау-кен инфрақұрылымына 367 миллион теңгеге мемлекеттік сатып алу жарияланды.

Сонымен қатар, басқарма 2014-2015 жылдары инженерлік инфрақұрылымды жүргізуге облыстық бюджеттен 448 млн теңге бағытталғанын еске салды.

«Бұл қаржыға электр желілерін жүргізу, автожолдарды салу үшін дайындық жұмыстары, соның ішінде жер жұмыстары және су құбырлары желілерін салу жұмыстары жүргізілді. Жалпы, жобаны іске асыру бірінші кезеңде коммерциялық инфрақұрылым құрылысы үшін 100 млн доллардан астам қаржы тартуға мүмкіндік береді», — деп түсіндірді басқармада.

Сонымен қатар, жобаның бірінші кезеңінде бір жылда 45 мыңнан 110 мыңға дейін туристерді қабылдауға мүмкіндік бар. Бұдан басқа, бірінші сатыны іске қосқаннан кейін 400 адам жұмыспен қамтылады.

Курорт екі аймақтан тұрады: жоғарғы және төменгі базалар. Сонымен, 1,9 мың метрден 3,2 мың метрге дейін – тау шаңғысы инфрақұрылымы, 1,6 мың метрден 1,9 мың метрге дейін – қонақ үйлер, мейрамханалар, аквапарк және т.б.

Жоба аймақты 2024 жылға дейін дамытудың кешенді жоспарына енгізілген.