АҚШ-та фирма не үшін қажет?

Бизнес жүргізу үшін компания ашу керектігі белгілі. Алайда ол үшін АҚШ-та посткеңестік түсінік бойынша жалдамалы қызметкерлер мен хатшының болуы міндетті емес.  Мұнда сіз ақша алып жатқан кез-келген қызмет бизнес болып саналады. Жалдамалы қызметкерлер жиі тәуелсіз мердігер ретінде жұмыс істейді.

Бизнесті бастау үшін екінші қажетті себеп -  жинақ ақшаңызды қорғау. АҚШ-та сотқа жүгінгенді қатты ұнатады. Оған кететін шығын да әжептәуір. Сондықтан өз істеріңізді қайсыбір ЖШС немесе корпорациямен байланыстырған жөн. Егер сіздің қызметтік көлігіңіз қандай да бір жүйкесі тозған ағайдың ескі көлігін қағып кетсе де, ол сіздің жеке басыңызбен емес фирмаңызбен соттасатын болады.

АҚШ-та компанияны қалай тіркеу керек?

АҚШ-та компанияны тіркеу өте оңай, оны сіз орныңыздан тұрмай-ақ жасай аласыз.

Бірінші қадам – ұйым түрін таңдау. Егер құқықтық қиындықтарға жол бермесеңіз, таңдау қарапайым: LLC (біздіңше ЖШС) немесе корпорация. Біріншісіне салық салынбайды, тек оның табысы мен шығыстарын ғана қарастырады, салықты тек өзіңіз иесі ретінде төлейсіз. Қалай? Фирмадағы өз бөлігіңіздің қызмет нәтижесін салық декларациясына қосу арқылы. Екіншісі - салықты өзіңіз төлеу. Егер бизнестің үлкен болуы жоспарланса, онда сіз түсетін қаражатты қалдырасыз және оны қалтаңыздан шығармайсыз - онда бірден корпорацияны аласыз. Егер оны пайдалансаңыз, сіз қосымша салық төлеуге мәжбүр боласыз. Әуелі корпорацияның өзі табыстың едәуір бөлшегін үнсіз серіктеске береді, сонсоң дәл осы серіктес сізді өзіңіздің компаниядан суырып алуға тырысқан жеке дивидендтеріңізбен бөлісуге мәжбүрлейді.

Екіншіден, компанияңыздың атын штатыңызда кездесе бермейтін, бірегей атпен атаған жөн. Сондықтан тіркеушіден домендік атауды тексеріп аласыз. Неліктен? Өйткені, штататтарда интернет number one - онсыз ешқайда бара алмайсыз.

Үшінші нәрсе - штат таңдау. Жоқ, бұл екінші атқаратын жұмыс. Бұның өзіндік мәселесі бар. Мысалы, Нью-Йоркте агрессивті шенеуніктер не үшін фирма ашып жатқандығыңызды сұрастырып, қатты тексереді. Невадада салықтар өте аз деген сияқты. Алайда, өз штатыңызда ашқаныңыз тиімдірек.

Келесі пункт - registered agent. Бұл адам немесе компания үкімет тарапынан сіз үшін пошта қабылдайды және т.б. Мұны өзіңіз де істей аласыз, дегенмен, кейбір нәзік тұстарын білмеуіңіз мүмкін. Сондықтан агентке жүгінген жөн. Гуглден жылына 50 доллар алатын “cheap registered agent”  іздеу. Агенттің веб-сайтына тіркелу оңай. Төлем төлеу карточка арқылы жүргізіледі  әрі сайттан өзіңіздің кабинетіңіз ашылады сонымен бірге компанияны тіркеу үшін реквизит керек болады.

Енді https://www.wdfi.org жергілікті қаржы министрлігінің сайтына барамыз. Нұсқаулыққа сүйене отырып, барлық жолды толтырасыз. Деректер базасында таңдалған атаудың өзгелерде жоқ екендігін тексеріп, тіркелу үшін 130 $  төлейсіз. Тек несие картасымен төлеу керек, дебеттік картаны қабылдамайды.

Нәтижесінде, мәртебесі тексерілгені жөнінде сілтеме арқылы ақпарат жіберіледі. Бір аптадан кейін компанияның тіркелгені туралы хат келеді. Ал, құжаттың өзі сілтемеде. Осымен болды. Ешқандай мөрлі қағаз, таңбалар болмайды.

Жұмыс берушінің сәйкестендіру нөмірін (Employer Identification Number, EIN) қалай алуға болады

АҚШ-та компанияны тіркеу - бұл жұмыстың жартысы. Банк шотынсыз  Америкада өмір жоқ. Банк шоты - жұмыс берушінің сәйкестендіру нөмірінсіз (Employer Identification Number, EIN) ашылмайды. Бұл үшін де орыныңыздан тұрып әуре болмайсыз. IRS (жергілікті салық) веб-сайтына келіп фирманың реквизитімен үлгіні толтырамыз. EIN нөмірін пошта арқылы алуға болады және тап сол жерде  PDF форматында да болуы мүмкін. 5 минутта бәрі дайын. Банкке барып шот аша беруге болады.

Жалпы шығын: $ 130 компанияны тіркеу (онлайн, қағаз процесі қымбат болады), $ 50 - бірінші жылға агенттікке және банк шотын толықтай тегін алуға болады.