Астана банкінде 13 млн теңге депозитім бар. Оны түгел ала-аламын ба және қалай алсам болады?

«Депозиттерге кепілдік беру қоры» теңгемен 10 млн, шетел валютасымен 5 млн теңге мөлшеріндегі сомаға кепілдік береді. Сіздің депозитіңіздің 10 млн теңгесі «Депозиттерге кепілдік беру қоры» тарапынан қайтарылады. Ал қалған 3 млн теңгені өтемақыны тарату комиссиясынан аласыз. Қайтарып алу мәселесіне келсек, алдағы уақытта банкті мәжбүрлеп тарату туралы сот шешімі шығуы тиіс.  Сот мәжбүрлеп тарату туралы шешім шығарып, ол күшіне енген күннен бастап 14 күн ішінде «Депозиттерге кепілдік беру қоры» қазақстандық банктердің біреуін салымшыларымен төлем жөніндегі агент ретінде жұмыс істейтінін жариялап, салымшылармен есеп айырыса бастайды. Сіз ҚДКҚ таңдап алынған агент-банкке барып кепілдік берілген өтемақыны (5 млн теңгеге дейін) алу үшін өтініш беруге тиіс. (Агент банктің таңдалғаны туралы ақпарат БАҚ-да жарияланады). Агент-банк оған құжаттар келіп түскен күннен бастап 5 жұмыс күнінен кешіктірмей сізге ақшаңызды қайтарады. Қалған 3 млн теңгеңізді өтемақыны тарату комиссиясынан қалай алуға болатынын білуге болады. Өтемақыны тарату комиссиясының жұмысы мен тарату туралы сұрақты «Астана Банкі» АҚ-тың уақытша әкімшілігінің басшысы Джемма Мұхамбетқызы Зинуллинадан +7 (727) 259-60-60 телефоны бойынша білуге болады.