Алматы. 21 тамыз. 7kun.kz – Ұлттық Банк Әзірбайжанның облигацияларына салынған зейнетақы қаражатына қатысты жағдай туралы хабарлады.

Қадағалау ведомствосы Әзірбайжан Халықаралық банкінің (IBA) бағалы қағаздарына салынған бастапқы инвестициялардың барлық сомасы толық көлемде қайтарылды деп сендірді.

«Осы жылдың бірінші жартыжылдығында осы облигациялардың барлық көлемі сатылды. Әзірбайжанның МБА мен МБҚ қағаздары бойынша иелену кезеңіндегі табыс шамамен 40,8 млн долларды құрады, ал алынған барлық төлемдерді ескере отырып, таза ішкі кірістілік (IRR) 4,1%-ға жетті», – деп атап өтті Ұлттық банкте.

Естеріңізге сала кетейік, 2014 жылдың қазан айында Бірыңғай жинақтаушы зейнетақы қорынан Әзірбайжан Халықаралық банкінің облигацияларына 2024 жылға дейін 71,3 млрд теңге салынды.

2017 жылғы 1 қыркүйектегі жағдай бойынша қаражат Әзірбайжанның мемлекеттік еурооблигацияларына 258,3 млн долларға қайта құрылымдалды.