Қазақстанда 2015 жылы отандық машина жасауды қолдау жөніндегі шараларды іске асыру үшін Ұлттық қордан 35 млрд теңге бағыттау жоспарланып отыр деп хабарлады ұлттық экономиканың бірінші вице-министрі Марат Құсайынов.

"Отандық машина жасауды қолдау үшін 2015 жылы Ұлттық қордан 35 млрд теңге бөлінеді, оның ішінде автокөлік өндірісі үшін - 20 млрд теңге, тікұшақ жасауға - 10 млрд теңге, жолаушылар вагондарын жасауға - 5 млрд теңге", - деп мәлімдеді ол дүйсенбі күні Астанада өткен брифингте.

Оның айтуынша, отандық машина жасаушыларды қолдау ішкі нарықтағы шетелдік өнімді отандық өндіріс өнімімен мипорт алмасуын қамтамасыз етеді және өндіріс көлемін сақтап қалады.