Алматы. 3 сәуір. 7kun.kz – Олардың бірі тиімді ведомствоаралық ынтымақтастықты құру болып табылады.

Нұрсұлтан Назарбаевқа ҚР Тұңғыш Президенті – Елбасы Кеңсесінің қызметіне байланысты ұйымдастыру-құқықтық іс-шаралардың аяқталғаны туралы баяндалды және кадрларды іріктеу жөніндегі жұмыстың нәтижелері туралы ақпарат ұсынды, деп хабарлайды Тұңғыш Президенттің баспасөз қызметі.

Нұрсұлтан Назарбаев Бірінші Президент кеңсесінің алдына қойылған міндеттерді уақытылы және тиімді орындауды қамтамасыз ету қажеттігін атап өтті.

«Мен тиісті Конституциялық Заңмен регламенттелетін Тұңғыш Президент – Елбасының міндеттеріне кірістім. Сонымен қатар, мен Қауіпсіздік Кеңесінің, Қазақстан халқы Ассамблеясының Төрағасы болып табыламын, Nur Otan партиясын басқаруды жалғастырамын. Алда көптеген жұмыстар бар. Осы қызметті қамтамасыз ету үшін Тұңғыш Президент Кеңсесі құрылды. Барлық ұйымдастырушылық мәселелер шешілді. Енді барлығына жүктелген міндеттерді орындауға кірісу қажет», - деді Елбасы.

Қазақстанның Тұңғыш Президенті сондай-ақ мемлекетті одан әрі дамыту жөніндегі стратегиялық міндеттерді сапалы шешу мақсатында тиімді ведомствоаралық ынтымақтастық құру қажеттігін атап өтті.

«Бүгін Президент пен Үкімет менің бекітілген бағдарламалық құжаттарда, Жолдауда белгіленген, сондай-ақ партия съезінде айтылған міндеттермен жұмыс істеуде. Біздің барлығымыз еліміздің тұрақтылығын, бірлігін және дамуын қамтамасыз ету үшін Қазақстанның игілігі үшін жұмыс істеуге тиіспіз. Бұл біздің ортақ міндетіміз», - деді Нұрсұлтан Назарбаев.

Қазақстанның Тұңғыш Президенті қоғамдық маңызды бастамаларды жүзеге асырудың маңыздылығына ерекше назар аударды. Осы тұрғыда Нұрсұлтан Назарбаев талантты жастарды жан-жақты қолдауға бағытталған Тұңғыш Президент Қорының жобаларын іске асырудың өзектілігін атап өтті.

Кеңес қорытындысы бойынша Нұрсұлтан Назарбаев бірқатар нақты тапсырмалар берді. Кеңеске ҚР Тұңғыш Президенті Кеңсесінің басшысы – Елбасы М. Қасымбеков, ҚР Тұңғыш Президентінің көмекшісі А. Бисембаев, ҚР Тұңғыш Президенті Кеңсесінің құрылымдық бөлімшелерінің, сондай-ақ Тұңғыш Президент Кітапханасы мен қорының басшылары қатысты.