Астана. 6 қазан. 7kun.kz – «Аманат» партиясы 20 қарашада өтетін кезектен тыс президенттік сайлауға Қазақстанның қазіргі президенті Қасым-Жомарт Тоқаевтың кандидатурасын ұсынды, деп хабарлады партия төрағасы Ерлан Қошанов.

«Біз барлық жоспарларымыз бен бағдарламаларымызды халық пен ел алдында абыроймен жүзеге асыруға тиіспіз. Ал ол үшін бізге адал басшы, батыл басшы керек. Мен президентіміз Қасым-Жомарт Тоқаевтың кандидатурасын ұсынамын. Делегаттар бірауыздан қолдайды деп ойлаймын», - деді Қошанов бейсенбі күні Amanat партиясының XXIV съезінде.

«Елімізді басқару үшін бізге халық сенетін кандидат керек. Менің ойымша, біздің президент талай сынақтардан абыроймен өтті», - деді ол.

Қазақстанда мерзімінен бұрын президент сайлауы 20 қарашаға белгіленген. Кандидаттарды ұсыну 23 қыркүйекте басталып, 11 қазанға дейін жалғасады.