Алматы. 8 қыркүйек. 7kun.kz – Жергілікті полиция қызметінің мамандандырылған батальонының экипажы ІІМ-нің көрнекі құралдары бар Hyundai автокөлігін анықтады, деп хабарлайды 7kun.kz.

Полиция көлігінің көшірмесін фильм түсірілімі үшін жасалғаны анықталды. Кинорежиссер бұл әрекеттердің заңға қайшы және жауапкершілікке әкеп соғатыны туралы ойланбағаны атап өтілді.

«Елестетіп көріңізші, егер әрбір кинорежиссер қажет болған жағдайда жалған реквизиттер, бұл жағдайда полиция көлігі, қолдан жасайтын болса, хаос болады. Ол кезде жалған полицейлерге өздерінің қылмыстық істерін жүзеге асыруға мүмкіндік береді. Жалған көлік мамандандырылған айыппұл тұрағына қойылды. Оның авторларына заң аясында шара қолданылды», – деді қалалық ПД бастығының бірінші орынбасары Нұрлан Алмасбеков.

Сонымен қатар, ПД-да осыған ұқсас деректерге жол берілмейтінін ескертіп, әрбір мұндай эпизодқа түбегейлі құқықтық баға берілетінін хабарлады.