Алматы. 3 шілде. 7kun.kz – 2019 жылдың бірінші тоқсанында ветеринарлық қызмет саласындағы қызметтер көлемі 5,9 млрд теңгені құрады, бұл өткен жылмен салыстырғанда 5,1%-ға артық, - деп жазады Energyprom.kz.

Ветеринарлық қызметтің ең үлкен көлемі мал шаруашылығын бақылайтын бас ведомство — Ауыл шаруашылығы министрлігі орналасқан Нұр-Сұлтанға тиесілі: 811,8 млн теңге, бір жыл ішінде өсім — 11,5%.

Екінші және үшінші орында Оңтүстік мал шаруашылығы облыстары — Алматы және Жамбыл облыстары: тиісінше 720,2 млн тг (+53,6%) және 657,6 млн тг (+10,7%).

Сонымен қатар, бес өңірде ветеринарлық қызмет саласындағы қызметтер көлемінің қысқаруы тіркелді.

Ветеринарлық қызметте жұмыспен қамтылған жалдамалы қызметкерлердің тізімдік саны бір жыл ішінде 8,1 мыңнан 8,5 мың адамға дейін өсті, бұл ретте нақты саны 8,1 мың адамды құрады (бір жыл бұрын — 7,5 мың адам).

2019 жылдың бірінші тоқсанында ветеринарлық қызмет саласында орташа айлық жалақы 97,3 мың теңгені құрады-өткен жылмен салыстырғанда 12,1%-ға жоғары. Нақты жалақы индексі 106,8% (өткен жылы — 97,2%) болды.