Астана. 9 желтоқсан. 7kun.kz – Мемлекет басшысы Қасым-Жомарт Тоқаев Қазақстанның Грузиядағы, Болгариядағы, Литвадағы және Албаниядағы елшілерін тағайындады, деп хабарлайды 7kun.kz.

Мемлекет басшысының жарлығымен Мәлік Кеңесбайұлы Мырзалин Қазақстан Республикасының Грузиядағы төтенше және өкілетті елшісі болып тағайындалды, ол Қазақстан Республикасы президентінің әкімшілігі басшысының орынбасары лауазымынан босатылды.

Виктор Валерийұлы Темірбаев Қазақстан Республикасының Болгария Республикасындағы төтенше және өкілетті елшісі болып тағайындалды, ол Қазақстан Республикасының Литва Республикасындағы төтенше және өкілетті елшісі лауазымынан босатылды. Бұған дейін Болгариядағы елші қызметін Теміртай Ізбастин атқарған болатын.

Тимур Бейбітәліұлы Оразаев Қазақстан Республикасының Литва Республикасындағы төтенше және өкілетті елшісі лауазымына тағайындалды.

Қазақстан Республикасының Түркия Республикасындағы төтенше және өкілетті елшісі Еркебұлан Оңалбекұлы Сәпиев Қазақстан Республикасының Албания Республикасындағы төтенше және өкілетті елшісі қызметін қоса атқарушы болып тағайындалды.