Қайырлы күн! Форс-мажорлық жағдайда несиені қайтару туралы келісім-шартта анық көрсетілген. Біздің кеңесіміз жұмыстан қысқарып, төлем қабілетіңіз уақытша болмаса, банктен қашпай, бірден бас кеңсесіне барып (немесе Call-орталығына хабарласып, өтінішті қайда жазуға болатынын біліп алғаныңыз дұрыс) өтініш жазу керексіз. Ол жерде жұмыстан қысқарып қалғаныңызды дәлелдейтін құжаттарды қоса көрсетіп, қарызды өзіңіз төлей алатын мөлшерде төлеуге мүмкіндік беруін сұраңыз. Соңғы шешімді банк қабылдайды. Өйткені ол сізге қарыз беруші. Көп жағдайда банктер несиенің шартта көрсетілген уақытта қайтқанын қалайды. Кейде банктер сіз сұраған мөлшерде төлеуге мүмкіндік беруі мүмкін, кейде бермейді. Ол сіздің төлем қабілетіңіздің жоқтығына қаншалықты сенгеніне байланысты.