Алматы. 15 наурыз. 7kun.kz – Қазақстан Білім және ғылым вице-министрі Бибігүл Асылова қазақстандық студенттер үшін жатақхана құрылысына 118 млрд теңге бөлінетінін айтты.

Бұл соманы он жыл ішінде бөлу жоспарланып отыр. 2019 жылы жатақханаларды салуға кететін бюджет 100 млн теңгені құрайды. Ал, одан кейінгі жылдары бұл сома артып отырады.

«Ең үлкен қаражат 2022-2026 жылдары жұмсалатын болады. Ол уақытта құрылысқа 15 млрд теңге бөлінеді», - деді Асылова үкіметте өткен баспасөз мәслихатында.

Министрліктің ұсынған схемасына сәйкес, келісім-шарт бойынша, жатақхана құрылысы іске қосылған күннен бастап, әзірлеуші ​​немесе университет ғимараттың құрылысына байланысты кететін шығындарды өтеу мақсатында, бірнеше жыл бойы бір төсек орын үшін тиісті соманы алып отырады. Егер 2023 жылға қарай бұл схемаға сәйкес төлемдер 29 млрд теңге болса, онда құрылыстың жалпы шығыны 225 млрд теңгені құрайтын еді.

Сондай-ақ, ол салынған жатақханалардың сапасын университеттер өздері қамтамасыз ететіндігін айтып өтті.