Алматы. 1 қараша. 7kun.kz – Маңғыстау полицейлері 12 жыл бойы іздеуде болған алаяқ әйелді ұстады, деп хабарлайды 7kun.kz Рolisia.kz-ке сілтеме жасап.

Маңғыстау облысы Полиция департаментінің Криминалдық полиция басқармасының қызметкерлері Алматы қаласында күдікті әйелді ұстады.

«54 жастағы әйел, Батыс Қазақстан облысының тумасы, ҚР ҚК-нің 190-бабы 3-бөлігінде («Алаяқтық») көзделген қылмыс жасағаны үшін 12 жыл бойы іздеуде болды. Ол осы уақытқа дейін Алматы қаласының аумағында жалған құжаттармен өмір сүрген», – делінген хабарламада.

Ол Алматы қаласының ПД уақытша ұстау изоляторына қамауға алынды.