Қаржы мониторингі агенттігі сомасы 5 миллион теңгеге тең немесе одан асатын цифрлық активтермен жасалған барлық операцияларды бақылауға алады. 

Бұл шектеу ұсынылып отырған заңнамалық өзгерістер аясында алғаш рет белгіленіп отыр.

Сонымен бірге, қолма-қол ақша төленетін мәдени құндылықтармен операцияларды қаржылық бақылауға шектеу 45 млн теңгеден 1 млн теңгеге дейін қысқартылды. Сарапшылардың түсіндіруінше, нарықтық құны төмен заттардың өзі айтарлықтай тарихи немесе мәдени құндылыққа ие болуы мүмкін. Енгізілген жаңалық мұндай нысандарды ел аумағынан тысқары жерлерге шығаруға жол бермеуге бағытталған.