Қаржы нарығын реттеу және дамыту агенттігі төлемге қабілетсіз банктерді реттеудің жүйесін қайта құрылмдау үшін заңнамалық өзгерістер әзірледі.

Бұл жаңалықтар банктер және банк қызметі туралы жаңа заң жобасына енгізілді.

 Негізгі мақсат - мемлекеттің көмегін ерекше жағдайларда пайдалану және қаржы жүйесі үшін ең аз теріс салдары бар проблемалы банктердің дұрыс реттелуін қамтамасыз ету және

Банктерді реттеудің үш сатылы жүйесін енгізу ұсынылады: күшейтілген қадағалау, қаржылық орнықтылықты қалпына келтіру режимі және реттеу режимі. Банктің қаржылық жағдайының нашарлауының алғашқы белгілері бақылауды күшейтуге және қалпына келтіру жоспарларын жаңартуға әкеледі. Одан әрі нашарлаған жағдайда қосымша шараларды қолдану мүмкіндігімен қаржылық орнықтылықты қалпына келтіру режимі іске қосылады. Соңғы сатысында төлемге қабілетсіз деп танылған банк уақытша әкімшілікті тағайындау және қызмет  қабілеттілігін бағалауды жүргізу арқылы реттелетін болады.

Сонымен қатар, заң банктерге қалпына келтіру жоспарларын әзірлеу және жаңарту, сондай-ақ реттеушіге төлемге қабілетсіз банктерді реттеу жоспарларын құру және жаңарту бойынша міндеттемелер енгізуді көздейді.

Маңызды элемент жүйелік маңызды банктерге шығындарды сіңіру қабілетіне (TLAC) ие болу талабы болып табылады. Бұл теріс сценарий болған жағдайда, мемлекеттік қаражатты пайдалануды барынша азайтуға мүмкіндік береді.

Банктерді реттеудің жаңа жүйесінде банктердің қаржылық қиындықтарына тиімді және уақтылы ден қоюды қамтамасыз ету, қаржылық тұрақтылық үшін тәуекелдерді барынша азайту және салымшылар мен басқа да мүдделі тараптардың мүдделерін қорғау үшін барлық мемлекеттік органдардың өкілеттіктері нақты айқындалатын болады.