Микроқаржы ұйымымен (МҚҰ) микрокредит беру шартын жасамас бұрын, тиісті қырағылық таныту және оның талаптарымен мұқият танысу өте маңызды.

Ең алдымен, Агенттіктің ресми сайтында «Қаржынарықтары» бөлімінде МҚҰ лицензиясының бар-жоғын тексеріңіз.

Микрокредит беру  шартында мына жағдайлар нақты жазылуы керек:

• микрокредит сомасы және мерзімі;
• микрокредит сомасы және мерзімі; өтеу кестесі және тәсілі (аннуитеттік, сараланған және т. б.);
• жылдық сыйақы мөлшерлемесі және жылына 46%-дан аспайтын жылдық тиімді сыйақы мөлшерлемесі (ЖТСМ) (қысқа мерзімді микрокредиттер үшін күніне 0,3%, бірақжылына179%-дан көп емес);
• айыпақыны есептеу тәртібі (мерзімі өткен 90 күн ішінде күніне 0,5%-дан аспайды, бұдан әрі – күніне 0,03%-дан көп емес, бірақ жылына 10%-дан аспайды);
• шарт талаптарын бұзған кезде қолданылатын шаралар.

Сондай-ақ, берешекті өтеу кезектілігіне, айыппұлдар мен өсімпұлдарды есептеу тәртібіне назар аудару қажет. Заң айыпақының мөлшерін шектейді: 90 күн ішінде әрбір кешіктірілген күн үшін мерзімі өткен төлем сомасының 0,5%-ынан аспайды және осы кезеңнен кейін күніне 0,03%-дан аспайды, бірақ жылына микрокредит сомасының 10%-ынан аспайды.

Жеке тұлғамен жасалатын шартта сондай-ақ қарыз алушы шарт бойынша міндеттемелерді тиісінше орындамаған кезде МҚҰ қабылдайтын шаралар туралы ақпарат болуға тиіс.

Қарыз алушының:

• МҚҰ ішкі қағидаларымен және тарифтерімен танысуға;
• айыппұлдар мен комиссияларды төлемей микрокредитті мерзімінен бұрын өтеуге;
• шарттарды қайта қарау туралы өтінішпен (растайтын құжаттар болған жағдайда) мерзімі өткен күннен бастап күнтізбелік 30 күн ішінде МҚҰ-ға  жүгінуге;
• МҚҰ-мен келісім болмаған жағдайда микроқаржы омбудсманына жүгінуге құқығы бар.

МҚҰ клиенттерге сақтандыру немесе консультация беру сияқты қосымша ақылы қызметтерді ұсынуы сирек емес екенін ескеру қажет. Олар жеке шарттармен ресімделеді және төлемдердің жалпы сомасын ұлғайтады. Егер қарызалушы мұндай қызметтерді көрсетуге келіспесе, олардан бас тартуға немесе неғұрлым ашық талаптар мен басқа ұйымға жүгінуге құқылы.

МҚҰ қосымшалары және т.б. арқылы электрондық түрде шарттар жасасу кезінде абай болыңыз. Көп жағдайда құсбелгі немесе басқа белгілердің болуы қосымша қызметтерге және басқа шарттарға келісім жасасуға келісетіндігін көрсетеді.

Есте сақтаған маңызды: микрокредит алу – бұл қаржылық міндеттеме. Шарт талаптарын сақтамау айыппұлдарға, берешектің өсуіне және кредиттік тарихтың нашарлауына әкелуі мүмкін. Қарыз туралы шешімге жауапкершілікпен қараңыз.