Алматы. 25қаңтар. 7kun.kz – 5 жыл ішінде  Қазақстанда өндірістік жарақат 22% төмендеді, - деп хабарлайды Еңбек және халықты әлеуметтік қорғау министрлігінің баспасөз қызметі.

«Еңбекті қорғау саласында жүргізілген кешенді шаралардың арқасында өндірістік жарақаттану бойынша жағымды динамика сақталып отыр. Соңғы 5 жыл ішінде жарақаттану 22%-ға төмендеді», - делінген хабарламада.

2018 жылы жазатайым оқиғалардың салдарынан 1 568 адам зардап шекті, бұл 2017 жылмен салыстырғанда 6,6%-ға төмен.

Өткен жылы 220 адам қайтыс болды, бұл 2017  жылдың көрсеткішінен 9,8% төмен.