Алматы. 3 қыркүйек. 7kun.kz – 2019 жылдың І тоқсанында резидент емес елдер қазақстандық банктерге 788,5 млн доллар қарыз болды.

2018 жылдың дәл осы кезеңінде міндеттемелер 1,1 млрд долларды құрады, осылайша бір жыл ішінде жалпы қарыз 27,3% -ға 788,5 млн долларға дейін қысқарды, оның ішінде мерзімі өткен қарыздардың үлесі 129 млн доллардан асты.

Несиелердің басым бөлігі доллармен – 483,2 млн доллар және теңгемен – 219,3 млн доллар, рубльмен – 70,7 млн доллар, ал еуромен – 15,3 млн доллар берілген.

Банктік емес заңды тұлғалар қаржы ұйымдарынан шамамен 557 млн доллар, банктер – 222,2 млн доллар және жеке тұлғалар – 9,3 млн доллар алды.

Бастапқы несиелеу тұрғысынан бір жылға дейінгі қарыз 61,7 млн долларды, бір жылдан үш жылға дейін – 134,1 млн долларды, үш жылдан бес жылға дейін – 124,4 млн долларды және бес жылдан жоғары - 468,3 млн долларды құрады.

Ұлттық банктің мәліметінше, үстіміздегі жылдың 1 сәуіріндегі жағдай бойынша ең үлкен қарыз Ресейге тиесілі: 452,4 миллион доллар, Грузия – 94,1 млн доллар, Нидерланды – 86,1 млн доллар және Қырғызстан – 85,2 млн доллар қарыз. БАӘ–дан резидент еместердің борышы 28,1 млн долларды, Беларусь – 22 млн долларды құрады.