Антикордың үш қызметкері алаяқтық үшін сотталды

Ақтөбе. 1 қазан. 7kun.kz – Сыбайлас жемқорлыққа қарсы қызметтің өкілдері алаяқтық үшін сотталды, деп хабарлайды 7kun.kz «Диапазон-ға» сілтеме жасап.

Тергеу материалдарына сәйкес, Антикор қызметкерлері Қарағанды мен Қызылорда облыстарынан Ақтөбе қаласына іссапармен жіберілген. Онда олар тоғыз куәгерге қылмыстық жауапкершілікке тартылуы мүмкін екенін айтып, оларды жауапқа тартпауға уәде беріп, олардан ақша алған.

Ал алаяқтық фактісі анықталғаннан кейін өздері сот алдында жауап берді. Сыбайлас жемқорлыққа қарсы қызметтің үш қызметкері өз кінәсін толығымен мойындады.

Ақтөбе қалалық соты үш қызметкерді 3 жыл 6 айға бас бостандығынан айыру туралы үкім шығарды. Сондай-ақ оларға өмір бойына мемлекеттік қызметте жұмыс істеуге тыйым салынды.