Эльмира Төлегенова мен Ерболат Жанәбілов 30 мың теңгелік курсты сатып алғандарға он көлік сыйлаймыз деп уәде еткен.

Курста олар онлайн-сервистер арқылы тауарға тапсырыс беруді үйрететінін жариялаған.

Бұл жайтты Құмар ойындар мен лотереяларды реттеу комитеті тексеріп жатыр. Жанәбіловке түсініктеме беру туралы хабарлама жіберілген. Егер ол жауап бермесе, ҚР ӘҚБтК-нің 445-1-бабы 6-бөлігі бойынша іс қозғалып, 100-ден 1000 АЕК-ке дейін айыппұл салынуы мүмкін.

Мәдениет және спорт министрлігі өкілдері заң бойынша лотереялар мен ұтыс ойындарын тек ресми операторлар өткізе алатынын еске салып, күмәнді «гивтерге» қатысудан сақ болуға шақырды.