Шешенстан астанасы Грозныйдан Қазақстанның Қарағанды қаласына қатынайтын жаңа әуе рейсі ашылды. Бұл туралы  жергілікті “Aviasta” әуе компаниясының мәліметтеріне сілтеме жасап, lsm.kz сайты хабарлады.

Алғашқы рейс осы аптаның сейсенбісінде орындалған. Бұдан былай рейстер әр сейсенбі күні таңертең ұшып шығып, кеште ұшып келеді. Билет бағасы 130 мың теңге шамасында. Бұған дейін елімізде Грозный-Астана, Грозный-Алматы және Грозный-Ақтау бағыттары ашылған болатын.