Билік аз уақытта өз шығындарын 1 трлн теңгеден астам сомаға азайтып, бюджет тапшылығын 28 млрд теңгеге дейін қысқартты, деп жазады Қаржы министрлігі.

Осы кезеңдегі республикалық бюджеттің кірісі 8,8 трлн теңгені құрады, бұл болжамдағы 10 трлн теңгеден 12%-ға төмен. 

Өткен айларда болжамнан жоғары болған салық түсімдері бұл жолы тапшылықты көрсетті – қажетті 5,61 трлн теңгенің орнына 5,54 трлн теңге.

Бюджетке корпоративтік табыс салығынан 1,66 трлн теңге (жоспардағыдан +3,4%), қосылған құн салығынан 2,39 трлн теңге (жоспардағыдан -8,1%) түсті. Салықтық емес түсімдер 377,1 млрд теңгені құрады, бұл 273 млрд теңге жоспардан 38,1% артық.

Жалпы, Ұлттық қордан бюджетке аударылған трансферттердің азаюына байланысты республикалық бюджет кірістер жоспарын орындай алмады. 1 маусымға дейін билік Ұлттық қордан 3,875 трлн теңге алынуы керек еді, бірақ іс жүзінде бұл сома 2,62 трлн теңгені (-32,4%) құрады.

Оның 2 трлн теңгесі бюджет тапшылығын жабуға кепілдік берілген трансферт ретінде, 620 млрд теңгесі республикалық маңызы бар жобаларды қаржыландыруға нысаналы трансферт ретінде жіберілді.

Бюджет шығыны да жоспарланғаннан 10,3%-ға аз – 10,9 трлн теңгенің орнына 9,8 трлн теңге. Нәтижесінде, бюджет тапшылығы 1,060 трлн болады деп болжанғанымен 1,032 трлн теңгені құрады.

2025 жылы бюджет кірісі 21,39 трлн теңгені, шығын 25,19 трлн теңгені, Ұлттық қордан түсетін трансферттер 5,25 трлн теңгені, бюджет тапшылығы 4,1 трлн теңгені құрауы тиіс.