Алматыда қазақтан тыс өткен мәслихаттың XL сессиясында «Сергек» жүйесімен жасалған мемлекеттік-жекешелік әріптестік келісімін тағы бір жылға ұзарту мәселесі қаралды.

Талқылау барысында соңғы 5 жылда камералар арқылы 94 млрд теңге айыппұл өндірілгені белгілі болды. Бұл қаражат толығымен қала бюджетіне түскен.

Қала цифрландыру басқармасы басшысының м.а. Мейрам Дүйсековтің айтуынша, 5 жыл ішінде 14 млрд теңге мемлекеттік міндеттемелер шегерілгеннен кейін, қалаға 94 млрд теңге кіріс кірген. Депутаттар жобаның жол қауіпсіздігі мен бюджетке әсерін атап өтті.

Алматы әкімінің орынбасары Алмасхан Сматлаевтың сөзінше, серіктестікті ұзақ мерзімге созу маңызды. Оның айтуынша, қазіргі таңда камералар саны жеткіліксіз, мысалы, Абай даңғылындағы автобус жолағында небәрі 13 камера жұмыс істейді. «Сергек» компаниясы қажет болса 500-ден астам қосымша камера орнатуға дайын.

Сессия қорытындысы бойынша депутаттар келісімді ұзарту бастамасын қолдады.