Алматыда Түрксіб ауданында кафенің жанынан заңсыз тұрғызылған қосалқы құрылыс бұзылды.

Қала құрылысын бақылау басқармасының мәліметінше, жоспардан тыс тексеру кезінде меншік иесі (жеке тұлға) Жұмабаев көшесі, 23б мекенжайында қажетті құжаттарсыз қосымша нысан салып алғаны анықталған.

«Меншік иесіне қатысты әкімшілік шара қолданылды. Кейін істі қаланың әкімшілік құқықбұзушылық жөніндегі мамандандырылған ауданаралық соты қарады. 2025 жылғы 27 маусымда сот меншік иесін кінәлі деп тауып, заңсыз салынған құрылысты бұзу жөнінде қаулы қабылдады», – делінген басқарма хабарламасында.

Қазіргі уақытта сот шешімі орындалып, меншік иесі нысанды өзі бұзып тастаған.