АҚШ президенті Джо Байденнің әкімшілігі Конгресске Украинаның 4,65 миллиард доллар көлеміндегі қарызын кешіруді жоспарлап отырғанын айтты, деп хабарлайды Bloomberg.

Агенттік тексере алған хатқа сәйкес, қарызды жою «АҚШ пен оның ЕО, G7+ және НАТО-дағы серіктестерінің ұлттық мүдделеріне сәйкес келеді».

Ақ үй сәуірде бекітілген 60 миллиард долларлық қосымша көмек пакеті аясында Киевке берілген 9 миллиард доллар несиенің жартысынан бас тартуға ниетті екенін түсіндірді.

Bloomberg агенттігінің хабарлауынша, Байден әкімшілігінің жоспары республикашылдардың қарсылығын тудырды.

Сенатор Рэнд Пол қандай жағдай болмасын Байден әкімшілігінің бұл әрекетіне қарсылық танытуға тырысатынын алға тартып, Сенатта дауыс бермеуге шақыратынын жеткізді. 

Агенттік дауыс беруді Сенат мақұлдау керек екенін, өйткені Конгресстің жоғарғы палатасын демократтар бақылайтындықтан, бұл екіталай екенін атап көрсетеді.

Бұған қоса, Байден қарар қабылданса, оған вето қоя алады. Америкалық шенеуніктердің бірі агенттікке АҚШ президентінің Украина қарызының 50 пайызын жоюға құқығы бар екенін айтты.