Сирия экс-президентінің баспасөз қызметі ресми Telegram-каналында Башар Асад елден қашқысы келмегенін, оны Мәскеудің тапсырмасы бойынша алып кеткенін жеткізген. 

Отставкаға кеткен Сирия президенті Башар Асад Дамасктың құлағанын Хмеймимдегі ресейлік әскери базаға келгеннен кейін, бір-ақ білгенін мәлімдеген. 

Айта кетейік, 8 желтоқсанда Сириядағы үкіметке қарсы күштер Хомс қаласын басып алып, ел астанасы Дамаскіге кірді. Сирия президенті Башар Асад президенттік қызметінен кетіп, елден қашқан болатын.

«Хмеймим базасына келгеннен кейін біздің әскерлер барлық жауынгерлік позицияларын тастап кеткенін білдім», – деген Сирияның экс-президенті Башар Асад. 

 Мұндай сөздер «Президент Башар Асадтың Сириядан кетуіне себеп болған жағдайларды түсіндіруі» деп аталатын құжатта жарияланды.

 Асадтың айтуынша, ол Хмеймимде болған кезде «Ресей әскери базасы аймағындағы жағдай күрт нашарлай берді, ал әскери нысанның өзі жаппай ұшқышсыз авиациялық соққыларға ұшырады».

Осыған байланысты Сирияның экс-президенті «Мәскеу әуе базасының қолбасшылығынан оны дереу Ресейге эвакуациялауды талап етті», деді.

Сирияның бұрынғы көшбасшысының кеңсесі Асадтың отставкаға кетуге  және лаңкестердің шабуылы кезінде баспана сұрауға ниеті болмағанын айтты. Сондай-ақ, оның Дамаскіде 8 желтоқсан күні таңға дейін болғаны атап өтілді.

«Алайда, билікті басып алғаннан кейін президенттің елде қалуы мағынасыз болды», делінген хабарламада. Сондай-ақ Асад Сирия үкіметінің араб армиясы мен үкімет жүйесінің күйреуін мойындай келе, бұл оның отставкаға кету туралы шешіміне әкелген.

Асад Сириядан кету жоспарын құпия ұстады

Reuters ақпарат көздеріне сілтеме жасай отырып, бұған дейін Башар Асадтың Сириядан кету жоспарын құпия сақтағанын және қашар алдында офицерлерді Ресейдің көмек көрсететініне сендіргенін хабарлаған.

«Мәскеуге қашудан бірнеше сағат бұрын Асад сенбі күні Қорғаныс министрлігінде 30-ға жуық армия және қауіпсіздік басшыларымен кездесуде Ресейдің әскери қолдауы келе жатыр деп сендірді және құрлықтағы күштерді шыдамды болуға шақырды», – деп келтіреді агенттік.

Сондай-ақ, Асадтың қашу жоспарын ұзақ уақыт бойы жасырғаны сонша, тіпті інісі, элиталық 4-бронды дивизияның қолбасшысы Махер Асадты да хабардар етпегені айтылды.