Бекежан Жәкеев «Қазпошта» ұлттық пошта операторы» АҚ Басқарма төрағасы болып тағайындалды, деп хабарлады компанияның баспасөз қызметі.

Ол компанияны 2022 жылдың қазан айынан бері басқарып, 8 маусымда Президенттің кеңесшісі болып тағайындалған Әсел Жанасованың орнына келеді. 

Жәкеев 2024-2025 жылдары «Жасыл технологиялар мен инвестициялық жобалардың халықаралық орталығында» заң департаментінің директорынан басқарма төрағасының орынбасарына дейін әртүрлі қызметтерді атқарған. 2018-2024 жылдары «Заң серіктестері» ЖШС мүшесі болды.

«Қазпошта» АҚ пошталық және қаржылық қызметтердің толық спектрін ұсынатын Қазақстандағы ұлттық пошта операторы болып табылады. Компания «Самұрық-Қазына» ҰӘҚ құрамына кіреді.