Бұл – жылға жоспарланған қаржының 99,2%-ы. Қаржы министрлігінің мәліметінше, қаржыландыру 2023–2024 жылдармен салыстырғанда айтарлықтай өскен: 2024 жылы – 28,4 млрд теңге, 2023 жылы – 52,4 млрд теңге бөлінген. Биылғы шығындар республикалық бюджеттің көлік және коммуникациялар саласындағы жалпы шығындарының шамамен үштен біріне тең.
LRT жобасының тарихы 2017 жылы Қытайдың Мемлекеттік даму банкінің $1,5 млрд несиесімен басталған. Алайда 2018 жылы «Астана Банкі» лицензиясынан айырылғаннан кейін қаржыландыру тоқтап, 2019 жылы сыбайлас жемқорлық дауы салдарынан құрылыс тежелді. Тергеу кезінде келісімшарт бағасын қолдан көтеру арқылы 5,8 млрд теңге жымқырылғаны анықталды. Бұрынғы басшы Талғат Ардан Түркияда ұсталды деген ақпарат бар.
Жоба 2023 жылы қайта жанданды. Сынақтық іске қосу 2025 жылдың қыркүйегіне белгіленіп, толық пайдалануға беру 2026 жылға жоспарланып отыр.
Ұқсас материалдар
