Геосаяси тәуекелдер мен декарбонизацияға қарамастан, Қазақстан әлемдегі ірі мұнай-газ компаниялары – Chevron, Eni, Shell, TotalEnergies және ExxonMobil үшін стратегиялық аймақ болып қала береді, деп жазады Energy Analytics.

Салалық сарапшылардың бағалауы бойынша, бұл компаниялардың дәлелденген мұнай қорының 20-25%-ы Қазақстанда шоғырланған. Бұл көлемді, әсіресе көптеген халықаралық кен орындарының жетілгенін және жаңа жобаларға қолжетімділіктің шектеулі екенін ескерсек, басқа юрисдикцияларда алмастыру қиын.

Стратегиялық маңызы бар үш негізгі актив: Теңіз, Қашаған және Қарашығанақ. Бұл кен орындары тұрақты өндіріс беріп қана қоймай, болашақ өнеркәсіптік өсім платформаларына айналуда.

Қашағанда газ өңдеу зауытының құрылысы басталса, Қарашығанақта да осындай жоба қарастырылуда. Бұдан бөлек, Теңіз кен орнының ресурстары жаңа мұнай-химия бастамаларының негізі болады, бұл ел ішінде шикізатты тереңірек өңдеуге көшуге дәлел.

Осындай инвестициялар мен ауқымды жобаларды ескере отырып, ірі мұнай-газ компанияларының Қазақстаннан кетуін болжау ертелеу. Керісінше, олардың ұзақ мерзімді мүдделері және республикада қызметін кеңейту жоспарлары байқалады.