Еуразиялық экономикалық одақта бағалау қызметтерінің бірыңғай нарығы іске қосылуға дайындалуда. Бұл туралы 20 қыркүйекте Мәскеуде «Жылжымайтын мүлік фокустары: бағалау, реттеу, дамыту» тақырыбымен өткен халықаралық конференциясында Еуразиялық экономикалық комиссияның Кәсіпкерлік қызметті дамыту департаменті директорының орынбасары Лусине Тумян мәлімдеді.
«Комиссия мүше мемлекеттермен бірлесе отырып бағалау қызметтерінің бірыңғай нарығының кедергісіз жұмыс істеуі үшін қажетті жағдайларды қалыптастырады. Ол 2025 жылдың басында басталуы керек. Мемлекетішілік рәсімдерге арналған әкімшілік ынтымақтастық туралы келісімге қол қойылуын ағымдағы жылдың қыркүйек айының соңында күтеміз», – деді Лусине Тумян.
Одақтың жаңа бірыңғай нарығының алдағы іске қосылуына байланысты мәселелер бойынша «Әр түрлі елдердегі жылжымайтын мүлік нарығының даму тенденциялары» сессиясында аталған Департаменттің кеңесшісі Анна Журова сөз сөйледі.
Конференцияға қатысушылар мүлікті бағалау жөніндегі қызметтердің бірыңғай нарығының жұмыс істеуіне дайындыққа, бағалау қызметі саласындағы ЕАЭО елдерінің заңнамасындағы өзгерістерге байланысты маңызды мәселелерді талқылады. Одақ елдерінде бағалау қызметін дамытуға арналған ЕАЭО-ның интеграциялық әлеуетін іске асырудың маңыздылығы атап өтілді.
Конференцияны Ресей кәсіптік білім беру институты Өзін-өзі реттейтін аймақаралық бағалаушылар қауымдастығымен бірлесіп ұйымдастырды.
Іс-шараға мемлекеттік органдардың, банктердің, дамытушы компаниялардың, құрылыс салушылардың өкілдері, Армения, Беларусь, Қазақстан, Қырғызстан, Ресей, Өзбекстан, Түркия және басқа да елдердің жылжымайтын мүлік саласындағы жетекші бағалаушылары мен сарапшылары қатысты.
Іс-шараға мемлекеттік органдардың, банктердің, дамытушы компаниялардың, құрылыс салушылардың өкілдері, Армения, Беларусь, Қазақстан, Қырғызстан, Ресей, Өзбекстан, Түркия және басқа да елдердің жылжымайтын мүлік саласындағы жетекші бағалаушылары мен сарапшылары қатысты.
